منتديات هيروز[الصفحة الرئيسية]
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

منتديات هيروز[الصفحة الرئيسية]

مرحبا بك (¯`•._.•[ زائر ]•._.•´¯)
 
الرئيسيةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 اعرف يعنى أية ؟ Mcse ,Mcdba , MOS, MOM ,Oracle,ICDL

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
HERO
المدير العام
المدير العام
avatar

ذكر
عدد الرسائل : 159
بلدي * :
مزاجي :
الأوسمة :
تاريخ التسجيل : 04/05/2008

مُساهمةموضوع: اعرف يعنى أية ؟ Mcse ,Mcdba , MOS, MOM ,Oracle,ICDL   الخميس 12 يونيو 2008, 6:14 am

اعرف
يعنى أية ؟
Mcse ,Mcdba , MOS, MOM ,Oracle,ICDL



Sad :E: ): Sad :E: ): Sad :E: ): Sad :E: ):


كتير بنسمع عن اسماء شهادات في الكمبيوتر لكن مش عارفين ايه معناها .. او ايه مدي قوتها أو ايه مقدار المعلومات اللي قدمتها للي معاه الشهاده دي

كمان ممكن تكون عايز تتقدم لوظيفه معينه و عايز تكون واخد شهاده ترشحك اكتر و لما يعيني تروح اي سنتر عشان تسال تلاقيهم جايبنلك بنت زي القمر عماله ترصلك مصطلحات شهادات كتير بالانجليزي و انت محرج تسئلها ايه الكلام الكبير ده

خلاص يا عم بلاش احراج بعد كده .. و تعالي نشوف ايه الشهادات الكتير اللي بنسمع عنها دي و مفيده في ايه


أولا .. شهادات الأوفيس


.الشهادات اللي هقولها دي كلها مفيده لأي حد عايز يتقدم لوظيفه هيكون فيها تعامل بسيط مع الكمبيوتر .. يعني يسجل بيانات .. يطبع ملفات ... يدخل علي النت .. الكلام ده كله

المفروض ان اي واحد بيعرف يتعامل مع الكمبيوتر يكون معاه شهاده من دول ..

ICDL
International Computer Drive License
الرخصه الدوليه لسواقه الكمبيوتر ..




( ربنا يهديهم بتوع قسم التعريب و الله الواحد مكسوف يترجمها )

الشهاده دي دوليه ... معترف بيها في اي مكان في العالم .. و امتحانها ( هما 7 امتحانات ) بيكونوا اونلاين

معناها ايه بقي ... معناها ان معاك محو اميه كمبيوتر
اتصدمتوا ...
انا عارف انها انتشرت كتير جدا في مصر .. هي مهمه جدا مقلناش حاجه لكنها اخدت اكبر من حجمها كتير عندنا مش عارف ليه و بقينا نبص للي معاه الشهاده دي كانه خبير مثلا

ما علينا

هتدرس ايه بقي في الشهاده دي .. 7 مواضيع

Information Technology (IT)
و ده عباره عن كورس نظري عن بداية الكمبيوتر و تطوره و مكوناته و شرح وظيفه كل حاجه و ايه هو دور السوفت وير كمان هيدخلوا بيكم شويه علي الشبكات و انواعها و اهميتها و بعديها يوسعوا الكلام علي طرق الاتصال بشكل عام

Word … Excel … Power Point … Access … Outlook
في جميع البرامج دي هتدرس المستوي الاول و ربما مقتطفات من المستوي الثاني ( كل برنامج من دول اصلا 3 مستويات ما عدا الـ Outlook) .. لكن اللي هتدرسه هيكون كافي انك تتعامل مع البرامج دي يمهاره معقوله

Internet
دي طبعا باينه من اسمها





MOS
Microsoft Office Specialist
متخصص ميكروسوفت اوفيس




الناس اللي هيقفوا عشان يدو كورسات ICDL المفروض يكون معاهم MOS او أعلي
و دي شهاده من ميكروسوفت ان حضرتك بقيت متخصص في برنامج الاوفيس

دي مش شهاده واحده بتاخدها .. انما لكل برنامج في مجموعه الاوفيس شهاده منفصله

MOM
Microsoft Office Master
أستاذ ميكروسوفت اوفيس


لما تتم شهادات الـ MOS تقدر تتقدم للحصول علي ال MOM و دي معناها انك ما شاء الله بقيت أستاذ.


نصيحه ... لو انت مش متخصص في علوم الكمبيوتر يعني عايز الشهاده بس عشان تشتغل بيها في اي شركه يبقي كفايه الـ ICDL ما تضيعش فلوسك في الشهادات التانيه دي و لو حتي من باب انك تقوي موقفك في شركتك .. لان اغلب اصحاب الاعمال ميعرفوش غير الـ ICDL بس


ثانيا .. شهادات البرمجه و تصميم الحلول


اماكن كتير لو حاولت تشتغل فيها لازم يكون معاك شهاده من دول ... اوراسكم تليكوم .. موبينيل .. فودافون ... وزاره الاتصالات .. كل شركات البرمجه و التطوير

طبعا الكلام ده لو انت عايز تشتغل في الشركات دي حاجه ليها علاقه بالكمبيوتر .. محدش يكون عايز يشتغل محاسب هناك مثلا و يحاول ياخد شهاده من دول


MCSE
Microsoft Certified System Engineer
مهندس أنظمه معتمد من ميكروسوفت




الشهاده دي تأهلك لتخطيط و تطوير و دعم الانظمه البرمجيه المتكامله ... يعني هتتعلم فيها برمجه .. كذا لغه برمجه ... مع لغه بناء استعلامات ... و هتدرس بشكل متعمق ازاي تصمم و تنفذ برامج للعمل علي مجموعه من الاجهزه المرتبط بشبكه فيما بينها ...
كمان في النسخه الحديثه من الشهاده دي ( بعد ما نزلت تكنلوجيا .net ) هتتعرف علي كيفيه برامج تستفيد وجود شبكه الانترنت كوسط ربط

شهاده تحفه لكل واحد غاوي برمجه او عايز يشتغل مبرمج

MCDBA
Microsoft Certified Data Base Administrator
مدير قواعد بيانات معتمد من ميكروسوفت




لو اخترت تدرس للحصول علي الشهاده دي يبقي لازم تكون غاوي قواعد بيانات
في دراستك للشهاده دي هتتعرف علي كيفيه تصميم و بناء قواعد البيانات العملاقه اللي بتتعامل مع ملايين من البيانات .. ( زي مثلا قاعده بيانات الاتحاد الاوربي ... و علي المستوي المحلي هتلاقي قواعد بيانات موبينيل و فدافون مثلا )

كمان هتعرف ايه اهميه وجود مدير Admin لقواعد البيانات من النوع ده و ايه هي مهامه


Oracle



يعتبر أوراكل من اشهر و اقوي برامج تصميم و ادارة قواعد البيانات المتوفره .. و هو مطلوب بكثره خصوصا في دول الخليج ...
لو حبيت تدرس اوراكل يبقي لازم تختار حاجه من اتنين

Oracle Administrator
و دي هتتعلم فيها ازاي تتعامل مع قواعد البيانات المصممه و المنشأه بواسطة اوراكل .. لاحظ ان دورك هيبدأ بعد الانتهاء من اعداد النظام و البدء في تشغيله

Oracle Developer
هنا هتتعلم بقي ان انت اللي تعملي النظام المنشأ ببرنامج أوراكل ... ازاي تصممه و تختبره و لحد ما يبدأ الناس في المكان اللي هتنزله فيه بالتعامل مع البرنامج



دي مش كل الشهادات طبعا .. لكن دي اشهر شهادات ممكن هتحتاجها في الفتره الحاليه

طبعا انا كده متكلمتش عن الشهادات المطلوبه لو حبيت تتعامل في مجال تصميم و بناء مواقع الانترنت
كمان مجتش جنب الشهادات و البرامج المؤهله لاحتراف مجال التصميم و الجرافيك

ممكن في موضوع تاني نبقي نكمل كلامنا .. لو كان في العمر بقيه







_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://heros.mam9.com
HERO
المدير العام
المدير العام
avatar

ذكر
عدد الرسائل : 159
بلدي * :
مزاجي :
الأوسمة :
تاريخ التسجيل : 04/05/2008

مُساهمةموضوع: رد: اعرف يعنى أية ؟ Mcse ,Mcdba , MOS, MOM ,Oracle,ICDL   الخميس 12 يونيو 2008, 6:16 am

للحصول على ICDL مجانا
أدخل على الموقع دا وسجل فيه


http://www.icdlegypt.gov.eg/

هتدفع 120 جنية بس فى الأول
ولما تنجح فى الدورة هتاخد الفلوس تانى

ولو فية أى مشاكل فى التسجيل فى الموقع
دا أميلى
HERO_M_M@YAHOO.COM
راسلونى على طوووووووووول

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://heros.mam9.com
 
اعرف يعنى أية ؟ Mcse ,Mcdba , MOS, MOM ,Oracle,ICDL
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات هيروز[الصفحة الرئيسية] :: منتديات الكمبيوتر و البرامج والأنترنت :: قسم البرامج-
انتقل الى: